My Reflections

Nigah-e-yaar mein ab apni qadr kuchh kam hai Auron pe karam ham pe nazar kuchh kam hai Ham bhi furqat me ashkbaar raha karte hain Aghyaar jaante hain unko khabar kuchh kam hai Marne walon ke liye aansu bahata kaun hai Jaane kya daur hai, kyunasar kuch kam hai Abke dafn kiya ek saath sara qabila ham ne Hae kya kije basti men qabr kuchh kam hai Nahin rukta hai ab koi bhi ek pal ke liye Is basti mein laal-o guhar kuchh kam hai Apne haathon se pilaya hai sabko aaj saaqi ne salamat hain sabhi kya  zahar kuchh kam hai? Hai aasman khamosh, kyun zameen chup hai? Imteyaz kuch kahiye, kya bashar kuch kam hai?

Reciting my composition at National Academy of Indian Railway, Vadodara

Manzil ki justaju hai aur karvaan hamara Zulmaat bekraan hai aur sail-e ravaan hamara Ho ishq gar haqiqi toh ho raushan raahen Ahle junoon jo hum hon voh mehrbaan hamara Muddat guzar gai hai paida hua na koi Jo phir se geet gaataa Hindustan hamara Parcham buland hoga har suu mere watan ka Hoshyaar ho raha hai ab naujavaan hamara Aao haseen banayen apne chaman ko milkar Saare jahaan se achha ho gulsitaan hamara Pooche koi jo tumse watan hai kahan tumhara Imteyaz tum yeh kehna dil hai jahaan hamara

Muddai h, mudda'lai h, Qanoon h adaalat hai Sab hain phir kyon watan ki yeh haalat hai Mujrim sadkon pe begunaah qaidkhanon mein Adaalaton mein ab insaaf kahan, haan siyasat hai Qanoon andha tha  ab behra aur gunga bhi hai Ta aj jub nahi gar m ulzimon ko badi raahat hai  Mulzim ki dhoom hai aur mujrim ki dhoom hai Fasaad hai, ismatdari hai aur halaakat hai Naumeed na ho ai Imteyaz, naumeedi kufr hai ke Adaalate uzma mein baqi abhi sama'at hai  

Roshni ka nishan mita, har su ab andhera hai  Insaanon ki basti mein dehshat ka basera hai Taarik pasra hai aur aaj ka suraj chhupa hua hai  Chaand taare doob gaye kyun gar hua nahi sawera hai Kya tum bhool gaye bhai jo rishta hai ham donon ka Ek hi chaman ke baasi hain kya tera hai kya mera hai Rahbar hon ya rehzan hon farq nahin ab donon mein Kabhi yehi muhafiz hai aur yehi kabhi lutera hai Nafrat jinka maqsad hai aur dehshat jinka shewa hai Woh jame hain masnad par aur aiwanon mein dera hain